Ekainaren 5ean egin zen Saloun Extreme Man proba gogorraren lehendabiziko edizioan parte hartu zuen Alejo Sarobe kirolari lesakarrak. Beti-gazte-lesaka.net-eko triatletaren denboraldiko lehenbiziko Ironmana izan zen. Probaren irabazlea Olivier Marceau frantziarra izan zen, 9 ordu, 29 minutu eta 4 segunduko denborarekin. Lesakarrak 12:20:30ko denbora egin zuen.
Igerian 3,8 kilometroak osatzeko ordubete, 13 minutu eta 30 segundo behar izan zituen; bizikletan 180 kilometro egiteko 6 ordu, 9 minutu eta 12 segundo eta lasterka maratoian 4 ordu, 39 minutu eta 20 segundo. Arratsaldeko bero itogarriarekin, nahikoa lan izan zuen lasterketako azken kilometroak bukatzeko.