Eskualdeko kenpo jokalariek emaitza onak lortu dituzte Espainiako txapelketan

Maiatzaren 28an jokatu zen Espainiako Kenpo-Kai Txapelketa Ma­drilen. Eskualdeko hainbat kirolari izan ziren txapelketan eta emaitza onak lortu zituzten.

Armekin jokatutako ka­ta tradizionalean, Doneztebeko Rakel Ordokik bigarren postua lortu­ zuen ema­kume helduetan gerri­ko marroi­ eta bel­tzean. Izei Gille­nea­­ be­ra­­ta­rra biga­rren izan zen gizonez­ko helduen lehenengo mailan ge­rri­ko marroi eta bel­tzean eta Daniela Perdomo beratarra hiruga­rren emaku­mez­­ko helduetan, gerriko ma­rroi eta bel­tzean.

Defentsa pertsonalen tekniketan ema­ku­meen Kyus mailan, Urda­zubiko Ana Mi­txe­le­nak le­hen­ postua lortu zuen.

Semikontaktu jarraiko borrokan Berako Be­­ñat Garaiarre bigarren sailkatu zen 68 kilo artekoen kadeteen mailan.

Puntukako kontaktuaren borrokan, Izei Gi­lleneak hiruga­rren postua lortu zuen, gizonezko helduen kategorian, ge­rriko marroi eta bel­tzean eta 71 kilo artekoen mailan. Maria Rekalde bera­tarrak ere hirugarren postua lortu zuen, 11-12 urteko nesken mailan; Ana Mitxelena ere hirugarren izan zen, 60 kilo arteko emakume helduen Kyus kategorian eta Daniela Perdomo ere hiruga­rren sailkatu zen, emaku­me helduetan, gerriko­ ma­rroi eta bel­tzean eta 60 kilo artekoen mailan.