Bai Euskarari Ziurtagiriaren ebaluazioa egiten ari dira Leitza, Areso eta Goizuetan

Leitza, Areso eta Goizuetan, Bai Euskarari Ziur­­­tagiriaren ebaluazioa egiten ari dira hilabete honetan. Ziurtagiriaren Elkarteko teknika­ria den Aranoko Maider Ansa ziurtagiria duten entitate guztiengana joatekoa da ziurtagiriaren ebaluazioa egin eta ziurtagiria berri­tzera. Leitza, Goizueta, Areso eta Arano 2004an sartu ziren Bai Euskarari Ziurtagiria ekimenean, euskararen normalizazioan eta erabileran, urrats praktikoa emateko helburuarekin. Eta gaur egun eskualdean 48 eragilek dute ziurtagiria: Areson 4, Goizuetan 14 eta Lei­tzan 40. Horietatik 20k ziurtagiria Bidean mailan dute, 17k zerbitzua euskaraz maila eta 11k lana eta zerbitzua euskaraz maila. Euskal Herrian, be­rriz, 1.500 inguru dira. Teknikaria ziurtagiridun bakoitzarekin banan-bana elkartuko da. Ebaluazioa Ziurtagiriaren elkartera bidali du eta ondotik, elkartea bera izanen da ziurtagiria berritu daitekeen eraba­ki­ko duena, edota ziurta­giriaren maila aldatu behar den esanen duena. Urtebete ba­rru, be­rriz eginen da ebaluazioa.