Joan den urteko arrakasta ikusita, aurten bigarren aldiz, gazta lehiaketa egitea erabaki du Udalak Besta-Berri egunean. Ez da, ordea, eguneko ekitaldi bakarra izanen.
Alde batetik, urteetan galdua izan den prozesioa berreskuratu nahi izan du herritar talde batek, eta horrela, meza eta prozesioa eginen dira aurten.
Horrez gain, ohitura den bezala, herriak Udalari bazkaria eskainiko dio. Udalbatza sortuberriko kide guztiek Herriko Ostatuan bazkalduko dute Besta-Berri Egunean.
Arratsaldean, herriko gazten artean, lehiaketa eginen da. Eta ondotik, lehiaketara aurkezten diren gaztak aprobetxatuz, berendua eskainiko du Udalak plazan. Musika doinurik ere ez da faltako, herriko Aierrik taldea arduratuko baita bazterrak alaitzeaz.
Aipatu, gazta lehiaketan bi sari banatuko direla: irabazleak bi lagunendako afaria eskuratuko du Herriko Ostatuan eta bigarrenak bi botil ardo.