Joan den ekainaren 4an, herriko dantzari gaztetxoak Agoitzen ospatu zen Nafarroako Dantzari Ttiki Egunean egon ziren eta egun polita pasatu zuten. Dantzariak bi taldetan banatu eta inguruko herrietan ibili ziren. Iturengo dantza taldeari, Altsasuko taldearekin batera Ekai herrian dantzatzea egokitu zitzaion, eta talde bakoitzak lauzpabortz dantza eskaini zituen. Gosaldu ondotik, Agoitzen elkartu ziren dantzari guztiak eta denak elkarrekin herrian barna kalejira egin zuten. Ondotik, futbol-zelaian elkarrekin dantzatu zituzten ohiko dantzak: Axuri beltza, Agurra, polka... Eta eguna akitzeko bazkaria eta jokoak izan zituzten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun