Ortzegun honetan, ekainak 23, ohiturari segituz, Sanjuan suak eginen dira Iturenen ere eta horretarako aurreko egunetan herriko haur eta gaztetxoak etxez etxe ibili ohi dira papera eta kartoia biltzen.
Aurtitzen hainbat txokotan egiten dira suak, Iturenen ere berdin, baina urteroko martxan, Ibintza Kultur Taldeak antolatuta berendu afaria eginen da, tripa bete eta saltoka aritzeko. Ez da horrekin akituko, suen ondotik, dantza afrikarren erakustaldia izanen baita, eta ea jendea animatzen den ikuskizunaz gozatzera.