Erreka elkarteko pilota sailak laugarren urtez antolatutako lau t’erdiko buruz buruko txapelketako finalak jokatu ziren ekainaren 10ean frontoian. Guztira 62 pilotarik parte hartu dute txapelketan eta bederatzi final jokatu ziren.
Bigarren mailako benjaminetan, E multzoan Asier Arregik 18-11 irabazi zion Asier Gelbentzuri. D multzoan, Enaitz Portu nagusitu zen, 18-9 Oihan Sarrateari irabazita. B multzoan, Ruben Saldiasek18-12 irabazi zion David Mitxeori eta A multzoan, Gaizka Agirrek 18-8 irabazi zion Mikel Bangori.
Bigarren mailako infantiletan, Julen Saldias nagusitu zen, 18-8 Julen Indaren aurka. Lehen mailako infantiletakoa izan zen finalik berdinduena eta Iker Salaberriak 18-17 irabazi zion Aritz Fagoagari.
Bigarren mailako alebinetan, Gaizka Agirrek 18-15 irabazi zion Ibai Erasuni eta bigarren mailako kadeteetan, azkenik, Jabier Saldiasek 22-15 irabazi zion Iban Juanenari.
Finalen ondotik sari banaketa egin zen eta bertan izan ziren Abel Barriola eta Oinatz Bengoetxea pilotari profesionalak. Pilotariekin batera, Nafarroako Kutxako Javier Almandoz, pilotarekin harreman handia duen Javier Elizalde, Oskar Mindegia eta Avelino Mitxeo zinegotziak, Udalbideko Vicente Arozena eta BigMat Menditxuriko Jose Manuel Juanena eta Arantxa Ezkurra han izan ziren.