Josetxo Ariztegiren gasna guztien artean hoberena

Giro ederrean joan zen XIX. gasa feria eguna. Lehiaketara 17 gasna aurkeztu ziren zonaldetik. Epaileek goiz guztiko lana izan zuten gasna hoberena aukeratzeko­. Epaimahaiko Ines Arana eta bere lankideak (Nafarroako Unibertsitateko laborate­gian jatorrizko izendapena duten produktuen dastapena eta sailkatze lanetan ari­tzen­ direnek) erran zutenez, gero eta gasna hobeak aurkezten dira eta sekulako maila izan zen aurten. Honela gelditu zen sailkapena. Eskual­de­ko gasnarik hobere­na Josetxo Ariztegi herritarrarena izan zen (120 euro). Bigarren saria­ Urdazubiko Etxelekua gasnategiak eraman zuen (90 euro) eta hirugarrena Jose Mari Iriartek Baz­tangoa gasnarekin (30 euro). Herriko gasnen artean ere, Josetxo Ariz­tegirena izan zen hoberena (60 euro) eta bigarren Isidoro Ariztegi gelditu zen (30 euro). Sari­tu guztiek diruaz gain, trofeoa ere hartu zuten. Goizean argazki erakusketa egon zen ikusgai elizako arkupean, baita eskulan erakusketa ere Kultur Etxean. Gustura­ gelditu ziren antolatzaileak jendearen partehartze eta interesa­ zela eta. Eguerdiko trikitixa eta perkusio saioa eta arratsaldeko dantza saioa ere jendetsuak izan ziren­.