Maddalen Lopezek irabazi du 14 urtez azpikoen Nafarroako txapelketa

14 urtez azpikoen txapelketako bertsolariak eta Bertso Eskolen Egunean parte hartu zutenak. Bertsozale Elkartea

Bigarren aldiz lortu du txapela Lesakako gazteak

14 urte arteko Nafa­rroako Eskolarteko Ber­tsolari Txapelketa ekainaren 5ean jokatu zen Larraintzarren eta han­txe lortu zuen Maddalen Lopez lesakarrak biga­rren urtez txapela. Biga­rren sailkatua Doneztebeko Beatriz Maritorena izan zen. Hala, bi ber­tsolari gazteok Nafarroako ordezkariak izan ziren ekainaren 18an Agurainen egitekoa zen Euskal Herriko txapelketan.

Parte hartu zuten gainerako bertsolariak hauek­ izan ziren: Enaitz Telletxea (Igantzi), Maiana Sein (Igantzi), Joanes Ilarregi (Leitza), Beñat Al­tzelai (Leitza), Saioa Mateorena (Leitza), Xabat Ilarregi (Leitza), Oier Altzelai (Leitza), Unai Muro (Berriozar), Manex Mail­harin (Berriozar) eta Amaiur Gindeo (Iruñea).

Bertso eskolen eguna

Egun berean egin zen Nafarroako Bertso Esko­len eguna ere eta 50 bat gaztetxo elkartu ziren. Bertso Es­­koletan ari diren hel­duek­ ere, euren Bota Eguna egin zuten hi­laren­ 11n Lekunbe­rrin eta Astizen.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun