Atzo, ekainaren 22an, Arizkunen San Juanak eta Almandozen Bestaberri jaiak hasi ondotik, gaur sadiastarren txanda iritsi da. Iluntzeko 20:00etan emanen zaie hasiera herriko bestei baztanzopak janez herriko ostatuan, 22:00etan San Juan sua piztuko ditu eta ondotik Modesto akordeoilariarekin dantzaldia izanen da.
Igandera arte izanen dira bestak, hona hemen hurrengo egunetako egitaraua.
Ekainak 24 ortzirala
San Juan Eguna 10:00etatik aurrera txistulariek alaituko dute herria. 12:00etan Meza Nagusia Sanjuan herriko patroiaren ohorez. Ondotik Udalak eskainitako luntxa Herriko Ostatuan. 18:00etan pilota partidak: alde batetik, jubeniletan Olano eta Artola, Arizmendi eta Apeztegiaren aurka ariko da eta bestetik, afizionatuetan lau t’erdian Onsalo eta I. Bengoetxea ariko dira aurrez aurre. Arratsaldez eta gauez, dantzaldia OBANAUKE taldearekin.
Ekainak 25 larunbata
11:00etan herriko mus txapelketa. 14:00etan herri bazkaria Herriko Ostatuan. Arratsaldez umeen parkea karts eta gaztelu puzgarriekin. Arratsaldez eta gauez dantzaldia DANTZADI taldearekin.
Ekainak 26 igandea
13:00etan aizkora apustua: Erasun (Aurtitz) eta Larretxea (Bera), Saralegi (Leitza) eta Rekondoren (Leitza) kontra ariko dira. 18:00etan pilota partidak. Alde batetik, Jaunarena eta Zestau jubenilak lau t’erdian ariko dira eta bestetik, afizionatuetan Bendoiro eta Arraztoa, Juanenea eta Madariagaren kontra. Arratsaldez bestei bukaera emateko dantzaldia izanen da MODESTO akordeoilariarekin.