Egun gutti barru hartuko dituzte oporrak San Migel eskolako eta Mendaur institutuko ikasleek. Eta ikasturteari bukaera emateko, jaialdia antolatu dute Lehen Hezkuntzakoentzat hilaren 21ean. Guraso Elkateak ekarriko duenaz gain –aitzinekoetan aparra, pailazoak... antolatu izan ditu–, dantza emanaldia izanen da. Horrez gain, A ereduko irakasle izan den Rosa Apeztegiak erretiroa hartuko duelako, omenaldia eginen zaio. Bigarren Hezkuntzakoek, berriz, ikasturtea akituko duten egunean, ekainak 17, hamaiketakoa eginen dute
Bertzalde, azken egunetan ateraldiak egitekoak ziren: Haur Hezkuntzakoak Donostiako hondartzara joatekoak ziren, Lehen Hezkuntzako 1. ziklokoak Santa Leokadiara, 2. ziklokoak Getariko hondartzara eta 3. ziklokoak Landetako ur parkera.