Otsailean liztor beltzen kabi haundi hura aurkitu zenetik, martxoan eta apirilean liztor beltz aunitz harrapatzea lortu da tranpei esker. Halere, orain hiru kabi ttiki agertu dira; Elizaldeko bordako aleroan, Kanposantu ondoko Arrasate etxean eta Lapitzeko bizkarreko egur etxolan.
Golfeko pilotaren tamainakoak dira, kolore xurikoak eta azpian 12 mm inguruko zuloa dute. Bertan lehendabizi bortz ume ateratzen dira eta 15 inguru hazitzen direnean zuhaitz puntara joaten dira kabi haundia egitera. Hemendik jendearen kolaborazioa eskatzen da, norbaitek horrelako kabi bat ikusiz gero, berehala 112ra dei dezan. Liztor beltzak erleetan kalte haundia egiten du eta ezinbertzekoa da herritarren laguntza.