Josu Sanjurjo lesakarrak jantzi du Nafarroako Eskolarteko Bertsolari Txapelketako txapela, 14 eta 18 urtekoen mailan. Maiatzaren 27an, ortzirala, jokatu zen finala Txantreako Biltoki Elkartean.
Finalean, Nafarroako txapelaz gain Euskal Herriko Eskolarteko Txapelketan parte hartzeko txartelak zeuden jokoan. Agurainen izango da finala, ekainaren 18an, larunbata. Bertan, Josu Sanjurjorekin batera Irati Majuelo ariko da.
Saioa Xabier Maiak aurkeztu zuen. Epaile lanetan, berriz, Nerea Bruño, Mikel Beaumont eta Ekintza Landa jardun ziren. Josu Sanjurjori Manolo Arozenak jantzi zion txapela.