Buruz buruko txapelketako finala ekainaren 19an, igandea, jokatuko da. Aimar Olaizola eskuin eskuko minez dago eta astebeteko atzerapena eskatu zuen. Maiatzaren 29an jokatutako final erdian goizuetarrak eskuko minarekin bukatu zuela adierazi zuen. Arautegiak atzerapenerako aukera ematen du eta EPELeko epaile bakarrak onartu egin zuen. Hiru aste izango ditu Olaizolak behar bezala sendatzeko.
Goizuetarraren eskuko minak luzera joko balu, bere ordez finalerdietan aritu den pilotari batek jokatuko luke finala. Oraindik erabakitzeko dago ze frontoietan jokatuko den. Aukeren artean Bilboko Bizkaia frontoia eta Donostiako Atano III. daude.