Malerrekako 43 urteko gizonezko batek istripua izan zuen Donamariako Artze auzoko pista batean. Erorketaren ondorioz buruan hartu zuen kolpea eta larri eraman zuten ospitalera.
Nafarroako Larrialdi Zerbitzuan 12:30ak aldera jaso zuten deia eta berehala bertaratu ziren anbulantzia bat eta suhiltzaileak.
Txirrindularia helikopteroz eraman zuten Nafarroako Ospitalera eta zainketa intentsiboen unitatean sartu zuten.