Orokorrean goiti egin du hondakinen bilketak, eta datuek hala erakusten dute Baztan, Bortziriak eta Malerrekan. Aipatu, bertzalde, joan den urtean sortu zutela Arano, Areso, Goizueta, Larraun, Leitza eta Lekunberriko udalek Mendialdea Mankomunitatea eta beraz, datuak 2010ekoak direla.
Papera eta kartoia
Baztan, Bortziriak eta Malerrekan, iaz 2008an baino paper eta kartoi gehiago bildu zen. Guztira 1.012.900 kilo. Mendialdea Mankomunitateko sei herrietan 227.720 kilo bildu ziren.
Beira
2010ean beiraren bilketa 892.705 kilokoa izan zen Baztan, Bortziriak eta Malerrekan eta Mendialdean 261.510ekoa.
Enbaseak
Enbaseen bilketak ere goiti egin du. Bortzirietan igo da gehien bilketa hori, 2008ko 116.753 kilotatik 124.452ra. Mendialdeko sei herrietan 54.550 kilo bildu zen.
Hondakin bereziak
Hondakin berezien kopuruak goiti egin du Baztan-Bidasoaldean (14.201 kilo) eta Mendialdean tresna elektriko eta elektronikoetan 8.120 kilo bildu ziren 2010ean.
Siloetako plastikoak
Baztanen bildutako siloetako plastikoen kopuruak goiti egin du. Baina nabarmentzekoa da Malerrekan eta bereziki Bortzirietan eman duen beherakada. Mendialdean, aldiz, ez da honelako bilketarik egiten.
Neurri handikoak
Neurri haundiko trasteak Emauseko Traperoek biltzen dituzte eta 393.850 kilo bildu dira Baztan-Bidasoaldean. Mendialdean, berriz, 19.440 kilo bildu dira.
PILAK
Pilen bilketak ere goiti egin du, baina ez dago alde nabarmenik 2008tik joan den urteko datuetara.
Organikoak
Iaz 1.842.930 kilo organiko bildu ziren Mendialdean eta Bortzirietan 41.916 kilo konpost.