2010eean hasitako lanaren ondotik, Bertiz Partzuergo Turistikoak eta Hiruak Bat bere landetxe elkarteak Baztan-Bidasoko alojamendu zentrala paratu dute martxan. Bi dominiorekin egiten dute egun lan: www.baztan-bidasoa.com eta www.consorciobertiz.org. Bilaketa sistemaren baitan, landetxe zentrala garatu da elkartearen web orrian Eta partzuergoarenean zentralak landetxe, apartamentu, hotel, kanpin eta aterpeen zerbitzua eskaintzen du. Aldi berean, alojamenduak libre dauden ere kontsulta daiteke, eta erreserba egin ere bai. Batzuetan, ordainketa eta erreserba osoa ere egiten ahal da. Zonalde edo herriaren arabera egin daiteke bilaketa, baina bilaketa zorrotzagoa ere egin daiteke, alojamendu mota eta zerbitzuak zehaztuta. Zentrala otsailetik dago martxan, eta Nafarroako Unibertsitate Publikoaren marketing ikasle talde baten laguntzarekin egin da. Ikasle taldeak Googlen mundu txapelketa batean parte hartu du, benetako enpresa batentzat Google-eko iragarkietan diru kopuru jakin bat gastatuz, kasu honetan, Bertizkoa izan da aukeratua.