Apiril hasieran egin zuen Udalak Herriko Ostatua eta etxebizitza errentan emateko deialdia. Astearte honetan, apirilak 26, akitzekoa zen eskaintzak aurkezteko epea, baina joan den aste hasieran oraindik ez zuen inork proposamenik aurkeztua.
Epea akitzean aztertuko dira eskaintzak, baldin eta aurkezten badira. Errentamenduaren iraupena bortz urtekoa izanen da eta bertze bortz urtez luzatzeko aukera izanen da. Behin behineko fidantza 600 eurokoa izanen da eta hileko errenta 350 eurotan hitzartu dute (BEZa gabe).