Urte beteko lanaren ondoren Bertizko Turismo Partzuergoak eta Hirurak Bat landetxe elkarteak Baztan-Bidasoako ostatu zentrala martxan paratu dute. www.baztan-bidasoa.com eta www.consorciobertiz.org helbidetan egin daitzeke kontsultak. Bi helbide izanda jende gehiagorengana hurbiltzea nahi lukete, interneten presentzia handiagoa lortuz.
Web orriak landetxeen informazioaz gain, apartamentu, hotel, kanpin eta aterpeetako informazioa eskaintzen du. Etxetik kontsultak egiten ari denak ikus dezake zenbat lolega dauden libre adibidez. Horrez gain erreserba eskatzen ahal du eta hau jabeari zuzenan ailegatu ondoren, jabeak konfirmazioa bidaltzen du. Kasu batzuetan ordainketa ere egin ahal izanen da internet bidez.
Bilatzailean, erabiltzaileak aukeratzen ahal du interes puntu batean hurbiltasunarengatik, zonalde edo aranen arabera edo herrien arabera. Bilaketa zorrotzagoak ere egin daitezke, alojamendu mota edo nahi diren zerbitzu eta beharrak aukeratuz. Establezimendu bakoitza ere banaka ikus daiteke, bere deskribapenarekin, 5 argazkirekin eta Googleko mapan duen kokapenarekin.
Formazio ikastaroa
Promozio honek teknologi berrietara egokitu beharra eskatzen du. Horregatik formazio ikastaroa eskainaini du Bertizko Turismo Partzuergoak. 150 establezimendu bazkiderekin formazio ikastaroak bi txandatan antolatu zituzten. Euren negozioko kudeaketak behar bezala egiten ikasteko.
Web-orri bisitatuena
Bateratutako web orria otsailetik martxan dago eta oso hasiera ona eduki du bisitei dagoekionez. Nafarroako Unibertsitatea Publikoko marketing ikasle talde batek lan bat egiteko aukeratu zuen Bertizko Partzuergoa. Googleko mundu txapelketa batean parte hartu zuten eta adwords izeneko googleko iragarkietan diru kopuru bat gastatzea zen euren lana. Hilabete batez estrategikoki aukeratuako iragarkiak jarri zituzten Partzuegoaren web orria posizio onenetan egon zedin. Horrela lortu dute Googleko bilaketetan egun batzuetan Espainia mailako turismo web-orri garrantzitsuenak gainditzea.