Zirikolatz taldeko dantzari ohiak berriz bildu dira eta ikusgarria prestatzen hasi dira

Zirikolatz izen ezaguna da Senperen. Oihan zabala izateaz gain­, badira 30 urte pasa izen hori daramala herriko euskal dantza taldeak. Elkarte hunek bi adar ditu gaurko egunean, haurrena eta helduena, eta orain hiruga­rrena sortu da: dan­tza­ri ohiena. 80 eta 90eko hamarkadetan dantzan aritu diren senpertarrak be­rriz bildu dira elgarre­kin dantzatzeko eta ateraldiak egiteko. Dantzari ohi guziei idekiak diren dantza saioak berri­ki hasi dira eta orain helburua da 40 bat minuta­ko ikusgarria presta­tzea agorrilean eskain­tzeko gisan. Betiko dantzak taularatuko dira lehenik (ingurutxo, banako, Be­teluren fandangoa...) bainan gero ez dute baztertu sorkuntzari lo­tzea. Dantzatzeaz gain,­ lagun giroa berriz sortu nahi da dantzari ohien artean. Zonbait ateraldi egitea aipatzen dute eta zergatik ez, elgarretaratzeak etxez etxe ibiltzeko ihauteri ga­raian­ eta bai abenduaren 31n Dios te salbe elgarrekin kantatzeko ere. Ideiarik ez dute falta eta ez da dudarik beren be­rri izanen duzuela ondoko bestetan...