Nafarroako Gobernuaren dirulaguntzen esperoan dago Udala, anbulategi berriaren obrak akitu ahal izateko. Orain artean, bi diru partida jaso eta inbertitu dira eskola zaharra berritzen. Horietako bat 51.187,40 eurokoa eta bertzea 84.390 eurokoa. Laguntza hauek Espainiako Gobernuak bideratutako E Planetik jasotakoak dira. Dirulaguntza horiekin obraren zatirik haundiena egitea lortu da, baina ez da nahikoa izan lan guztiak akitzeko. Iturgintza, elektrizitate eta ezinduentzako egokitzapenak egiteko ez da dirurik ailegatu.
Gaur egungo anbulategia Medikuaren Etxea izeneko eraikinean dago eta herritarrez gain, Zubietako eta Elgorriagako bizilagunek ere erabiltzen duten zerbitzua da.