Akitu dituzte Herriko Etxean egiten ari ziren obrak eta aste honetatik aitzinera udaletxeko sarrera nagusia erabili ahal izanen da. Oztopo arkitektonikoak kendu dituzte. Egokitzapenak lehenbiziko solairuan egin dira, sarreraren eta lehenengo solairuaren artean. Igogailua jartzeaz gain, komunak, eskailerak, baranda eta argiak berritu dira. Komunak ere goitik behera berrituak izan dira. Orain arte ez baitzuten ezindu fisikoentzako baldintza egokirik betetzen.
Lanak 130.000 euroko aurrekontua izan dute eta Espainiako Gobernuaren E Planetik hartutako dirua izan da.