Giro ederrean Asteburu Kulturala

Ulibeltzak Elkarteak, Guraso Elkarteak, Antrotokiko gazteek eta Antzakaitz Kultur Taldeak antolatutako Asteburu Kulturala arrakastatsua izan da aurten ere. Ortziral­ arratsaldeko haur jokoetan neska-mutiko aunitzek parte hartu zuen eta arra­tse­ko­ mus txapelketan 12 bikote aurkeztu ziren. Gregorio eta Estefani izan ziren txa­peldunak, Pattere eta Maribel gelditu ziren bigarren; Maxux eta Rakel hirugarren eta Joxe Martin eta Joxe Luis laugarren. Larunbat­ eguerdian txitxipilota lehia­ke­ta jokatu zen, gastronomia eta umorea uztartzen dituen lehiaketa. Lau talde aurkez­tu ziren lehiaketara eta Angel Mariezkurrena, Loli­ Gandara eta Ines Obrego­zok osatutako epaimahaiaren puntuazioak jaso ondotik, Pello Altzuri, Aitor Altzuri eta Imanol Apeztegiak irabazi zuten lehen saria, bonbon kaxa eta botila txanpai­na. Bigarren saria Gu geu taldearentzat izan zen eta hauek Fonda ostatuan bortz kuba­ta edo hamar kaña edo kalimotxo edateko auke­ra izan zuten. Hirugarren saria Kaxka­rrak taldeak eskuratu zuen eta laugarrena Atto­pe taldeak. Goiz eta arratsal­dez­ haurren­dako puzgarriak izan ziren eta giro ederrean ibili ziren ttikienak. Gauez, txiste afaria egin zen Guillermo Segurola txiste kontatzailearekin eta honetan 38 lagun apuntatu ziren. Igandeko ekitaldiekin borobildu zen egitaraua. IV. Gazta Lehia­ketan 14 gazta aurkeztu ziren eta Arkaitz Vicentek, Rakel Urtxegik, Juan­jo Ibarrak eta Maño­li Agirrek osatutako epaimahaiaren arabera, joan den urtean beza­la, Mige­leneko Josefina Jorajuriak aurkeztutako gazta izan zen onena eta 60 euro­ko saria­ eraman zuen. Biga­rren saria (40 euro) Miguel Antzizarrek eskuratu zuen eta hirugarren sariko 20 euroak Primonekobordako gaztarentzat izan ziren. Aldi berean, artisau feria ere ikusgai izan zen, tartean herriko taloak eta ogia txokolatearekin dastatzeko aukera ere bai. Zare eder ba­ten zozketa ere egin zen eta hau Leonor Latasari (969 zenbakia) tokatu zi­tzaion. Ondotik, Ulibeltzak Elkartean bazkaria egin zuten artisau eta laguntzaileek eta arra­tsaldea