Arte garaikide bigarren festibala prestatzen ari dira udazkenerako

Berinak arte garaikide festibalaren bigarren edizioa urriaren 28tik hazilaren 13ra ospatu­ko da heldu den udazkenean. Etxebizitza izanen da aurtengo gaia eta gomiten artean daude jadanik Kader Atia sortzailea, Marc La Thui­llière argazkilaria, Ibai Hernandorena miarriz­ta­rra eta Maialen Dissard basusarriarra, ber­tzeak bertze. Sound Sys­tem kontzertu ibilta­ria egitea pentsatzen ari dira Sarako azken bes­te­tan egin zen beza­la. Bertzalde, jaialdiko arduradunak eskuz esku ariko dira lanean aurten Euskal Kultur Erakundearekin arte plastiko egileak Senpererat eka­rra­razteko. Anne Marie Jeannou eta Iñaki­ Viquendi Senpereko arte garaikide zaleek pres­tatzen duten festibalak zer erran haundia sortu zuen duela bi urte ez bai­tzen sekulan holakorik ikusi herrian. Gainerat, ainitzek begi txarrez­ ikusi zuten Herriko Etxeak 12 000 euroko dirulaguntza ematea. Ahatik, festibalaren lagunek uste dute ekimen hori beharrezkoa dela herria­ri oldar berria emateko.