Erantzun ederra izan zuen martxoaren 12an Erreka Kirol Elkarteak Xabierrera joateko antolatutako autobusak. Bete egin zen, eta 50 lagun animatu ziren. Goizean goiz abiatu ziren herritik, 05:00etan, eta Iruñean gelditu ziren. Handik Xabierrerako bidea oinez egin zuten. Arratsaldean Doneztebera bueltatu ziren. Eguraldiak ez zuen sobera lagundu, baina erran dutenez, kontent bueltatu ziren.