‘Euskaraz Blai Udalekuak’ eginen dira Arantzan eta Beintzan

Arantza Aterpeak eta Bein­tzako Orbela aterpeak Euskaraz Blai Euskarazko Udale­kuak kanpaina landuko dute aurten ere. Hala adierazi zuten martxoa­ren 16an Bertizko Turismo Partzuergoaren egoi­tzan egindako aurkezpenean Izaskun­ Goñi Par­tzuergoko kudeatzaileak, Janire Uzkiaga egitasmoaren koordinatzaileak, Orbela albergeko Mikel Albisuk eta Aterpeko Joseba Zugarramurdik. Nafarroako Gobernua­re­kin orain arte egin duten bezala, bi aterpeek kanpaina bera es­kain­tze­ko konpromi­soa hartu dute eta ekainaren 27tik irailaren 3ra Lehen Hezkuntzako 8-12 urte arte­ko eta DBHko 13-15 urte arteko 900 ikaslerendako lekua eskainko dute. 6 eguneko eta 5 gaue­ko egonaldietan 10 aste pasatuko dituzte aterpe bakoitzean. Aste­ko prezioa 180 eurokoa izanen da. Bertiz Partzuergoak an­tolatu du aurten kanpaina eta haren bidez egin behar da matrikulazioa, apirilaren 8ra bitarte: www.consorciobertiz.org-en, udalekuak@­consor­ciobertiz.org.en edo astelehenetik or­tziralera 08:30­etik 15:00etara 948 592323ra deituz.