Apirilaren 11n, astelehenarekin, eskualdean barna 103 kilometro eginen ditu. Eugin barna Artesiagako lepotik Iruritara sartuko da eta Baztanen 45,2 kilometro eginen ditu: N-121 B errepideari segituz, Irurita, Gartzain, Elizondo, Elbete eta Arizkundik pasako da. NA 2601 errepidea hartu eta Arizkun aldera abiatu eta Erratzura joanen da, eta Erratzun buelta hartu eta Arizkungo bidegurutzetik pasatuz, Elbete, Elizondo, Gartzain, Irurita, Arraioz eta Oronoz-Mugairi igaroko ditu.
Handik Bertizaranarantz abiatuko da NA-1210 errepidetik, eta Oieregi, Narbarte eta Legasan 3,9 kilometroko bidea eginen du. Hemendik Malerrekara joanen da Korrikaren lekukoa Doneztebe eta Sunbillatik pasatuz. NA 121 A bidetik Malerrekan 13,7 kilometro eginen ditu. Sunbillatik, Bortzirietara sartuko da, eta Igantziko Bentetatik goiti, Igantzi herrigunean barna, Lesakara joanen da, gero Bera aldera abiatzeko. 17,8 kilometro eginen ditu Bortzirietan. Beratik, berriz, Lizuniagan barna Sara aldera joko du eta ondotik Senperera. Sara eta Senperen 23 kilometro eginen ditu eta 19:10 aldera, Senpere utzi eta Baionarako bidea hartzen duenean agurtuko ditu eskualdeko bazterrak Korrika 17ren lekukoak.
Euskaltzaindia
Korrikaren aurtengo omendua Euskaltzaindia izanen da. AEKtik adierazi dutenez, «1919an sortu zenetik euskara babestea izan duelako xede eta geroztik hizkuntzaren iraupenerako eta hedapenerako beharrezkoak diren baldintza egokiak sortzen dituelako».
Korrika laguntzailea
Duela hiru Korrika paratu zen abian Korrika Laguntzailea kanpaina. Laguntzaile egiten diren guztiek 12 euroren truke, laguntzaile direla adierazten duen pina, urtarriletik aitzinera Euskal Herriko ehunka komertziotan beherapenak izatea ahalbidetuko dien txartela, eta txartela erabili aha izateko komertzioen zerrenda duen katalogoa eskuratuko dituzte.
Korrika eskualdetik apirilaren 11n: Herria eta ordua
ARTESIAGAko lepoa 07:58:10
IRURITA (Eugiko bidegurutzea) 09:43:40
GARTZAIN (N-121B/49. km) 09:54:43
ELIZONDO (N-121B/50. km) 10:01:13
ELBETE (N-121B/51. km) 10:07:43
ARIZKUN (herri sarrerako kartela) 10:33:43
ERRATZU (NA-2600/2. km) 10:49:07
ARIZKUN (Bidegurutzea) 11:27:19
ELBETE (N-121B/54. km) 11:42:16
ELIZONDO (Ikastolako parkea) 11:53:58
GARTZAIN (N-121B/49. km) 12:05:01
IRURITA (N-121B/48. km) 12:11:31
ARRAIOZ (N-121B/46. km) 12:25:31
ORONOZ (herrirako bidegurutzea) 12:43:04
OIEREGI (gasolindegi ondoan) 12:56:04
NARBARTE (NA-1210/21. km) 13:01:55
LEGASA (NA-1210/23. km) 13:14:55
DONEZTEBE (NA- 1210 /24. km) 13:21:55
SUNBILLA (NA-121 A/ 49. km) 13:50:22
IGANTZIko bentak 14:51:28
IGANTZI (biribilgunea) 15:03:49
LESAKA (Frain auzoa) 15:24:25
BERA (herri sarrera) 16:03:40
BERA-SARA (Lizuniaga) 16:47:52
SARA (Xikanetik aterata) 17:20:22
SENPERE (Okintegia) 18:12:22