Ohiturari segituz, eta nafarren arteko lokarriak indartzeko helburuarekin, apirileko azken igandean ospatuko da Nafarroaren Eguna Baigorrin, apirilaren 24an. Eta egun horretarako langileak behar direla jakinarazi du antolatzaile taldeak prentsara igorritako ohar batean. Aurten usaian baino 300 langile gehiago beharrezkoak izanen omen dira eta hortaz, laguntza eskatu dute. Laguntzeko prest dagoenak martxoaren 30a baino lehen eman beharko du izena (0033) 610 404130 telefonora deituta edo nafarroaren.eguna@gmail.com-era mezu bat igorrita. Izen-abizenak eta helbidea utzi beharko dira apuntatzerakoan.