Harriketarren familia ia osorik (Pedro, Wilma, Pablo, Beti eta Dino maskota), pailazo kuadrilla, pinguinoak edo soldadoak. Horiek guztiak ibili dira aurten baserriz baserri inauterietan eskean, traktore batean. Eta erran beharrik ez dago, bestarako gogoa behintzat ez dutela faltan izan.
Halere inauteriak, bezperan, ortziralarekin hasi ziren. 34 bat lagun elkartu ziren Herriko Ostatutan afaltzeko. Biharamun goizean, berriz, gazteak baserrietan eta arratsaldean haurrak herrian ibili ziren etxez etxe. Afarian dozena bat lagun bildu zen, baina baserrietan ibilitakoetatik inor ere ez. Igandeko bazkariarekin akitu ziren inauteriak.