Nafarroako Gobernuak, Kultura eta Turismo Departamentuaren bidez, Ituren eta Zubietako inauteriak eta Hiru Behien Zerga Nafarroako Interes Turistikoko Besta izendatu ditu. Aitorpen horren bidez, originaltasuna, herri tradizioa edo balio soziokulturalak oinarri hartuta turismoa handitzen lagundu dezaketen ospakizunak Nafarroatik kanpo ezagutarazi nahi dira.
Ospakizun originalak direlako eta herrian hagitz errotuta daudelako eman diete izendapena gure inauteriei, aspaldikoak direlako eta balio etnografiko eta soziokulturalak dituztelako. Herritarren parte-hartzea eta bisitarien kopuru handia dira ospakizun horiek betetzen dituzten bertze bi aldeak.
Lehendik ere, Interes Kulturaleko Ondasun izendatuak zeuden Ituren eta Zubietako inauteriak.