Asteburu Kulturaleko egitaraua prest dute Ulibeltzak Elkarteak, Guraso Elkarteak, Antrotokiko gazteek eta Antzakaitz Kultur Taldeak. Ortziralarekin hasi, martxoak 25, eta igandean, hilak 27, akituko dira ekitaldiak eta nobedadeak ere izanen dira tartean, larunbateko txiste afaria edo txikipilota lehiaketa, erraterako.
Gisa berean, aipatu, zare eder baten zozketako rifak ere salgai daudela. Zarearen zozketa igande eguerdian eginen da.
MARTXOAK 25, ORTZIRALA
• 16:30ean haurren jokoak.
• Ondotik txokolatada.
• 22:00etan mus txapelketa Ulibeltzak Elkartean.
MARTXOAK 26, LARUNBATA
• 11:00etatik 13:00etara txikipilota lehiaketa frontoian. Parte hartu nahi duenak jantzita joan beharko du, neskak mutilez jantzita eta mutilak neskez.
• 11:00etatik 13:30era eta 16:00etatik 19:00etara haurrendako puzgarriak izanen dira. Tartean berendua ere eginen da.
• 14:30ean bazkaria Ulibeltzak Elkartean.
• Ondotik, zerrikume harrapaketa.
• 19:00etan bizipoteoa.
• 21:30ean txiste afaria Guillermo Segurola txiste kontatzaile azpeitiarrarekin. Honekin batera, akordeoilaria ere izanen da giroa gehiago alaitzeko.
MARTXOAK 27, IGANDEA
• 10:00etatik 13:30era Sunbillako IV. Gazta Lehiaketa eta artisau feria.
• 11:00etan herriko trikitilarien saioa.
• 14:00etan bazkaria Ulibeltzak Elkartean.
• 18:00etan herriko neska-mutikoen dantza saioa.