Aurrera Kultur Elkarteak eta Mendibil BTT Taldeak antolatutako martxoko mendi bizikleta irteera martxoaren 19an, larunbatean eginen da. Elgorriaga-Arantza-Elgorriaga ibilbidea eginen dute.
Larunbat goizeko 08:15ean geldituko dira Leitzako estazioan, Elgorriagara joateko kotxeak antolatzeko. Beste ateraldietan bezala, kaskoa eta errepuestoko kamara eramatea beharrezkoa izanen da. 37,73 kilometro inguru izanen ditu zailtasun ertaineko ateraldiak eta 4 ordu inguruan egiteko modua izanen da. Hasieran, igoera gogorra izanen dute, 4 kilometro ingurukoa. Gero, behin altura hartu eta nahiko zelaia da ibilbidea eta jeitsiera luze batekin Arantzara ailegatuko dira. Gero, Igantziko Bentara, Berrizaunera jautsiko dira errepidez, Donezteberaino trenbidez joateko eta gero, berriz ere errepidez Elgorriagaraino.
Gainera, partehartzaileek aukera izanen dute Elgorriagako balnearioan putzuan sartu eta bazkaltzeko, 35 euroren truke. Horretarako egun batzuk lehenago korreoz abisatu beharko da, mendibilbtt@hotmail.com helbidera idatziz.