Bertako Haziaren Jaia ospatuko da martxoaren 19an Zubietan eta egun osoko egitaraua antolatu dute.
Goizez, barietate lokalak mantentzearen garrantziaz solasaldia eskainiko du Nafarroako Hazia Sareko Ester Monterok. Segidan, Nekazaritza Ekologikoa eta Biodinamikoari buruzko solasaldia eskainiko du Kristiñek. Eguerdian, bazkari konszientea izanen da, teorika eta praktika uztartuz. Arratsaldez, hazi trukaketa eta talo jatea izanen da eta afalostean, musika afrikarra egiten duen Enekora taldeak kontzertua eskainiko du, Errandonea ostatuaren laguntzarekin.