Peio Irigoien Mikelarena lesakarra da Nafarroako Txirrindularitza Federazioa kudeatzen duen batzordeko buru, urte hasieran Joseba Santesteban presidente zenak eta lehengo zuzendaritza batzorde osoak kargua utzi zuenetik.
Nafarroako Txirrindularitza Federazioako presidentziarako hauteskundeak maiatzean eginen dira seguruenik, eta kargu horretarako aurkeztea omen da Irigoienen asmoa. Oraingoz, Federazioaren egoera ekonomikoa eta funtzionamendua aztertzen ari da batzordea eta martxoaren 25ean eginen den ez ohiko batzarraren ondotik, hauteskunde prozesua abiatzekotan da.
Peio Irigoien UCIko (Nazioarteko Txirrindularitza Elkartea) epailea da eta Nafarroako Federazioko presidente izatera ailegatuko balitz, gaur egungo kudeaketa batzordea daraman taldearekin (Pedro Sagardoy, Angel Elustondo, José Barruso, Juan Carlos Garde, Alfredo Perez eta Ander Villanueva) lan egin nahi luke.