Erreka Elkarteak bederatzigarren aldiz antolatutako Malerrekako Eskuz Binakako Pilota Txapelketaren finalak joan den larunbatean, martxoak 5, jokatu ziren Doneztebeko frontoian. Goiz eta arratsaldez, zazpi kategoriatan aritu ziren lehian pilotariak.
Benjaminen mailan, Oberenako Oskozek eta Cuairanek 18-15 irabazi zieten Ilunpeko Alberdi eta Galarragari.
Alebinetan, Ilunpeko Egiguren eta Alberdi nagusitu ziren, 18-7 irabazi baietzieten Errekako Zubizarreta eta Salaberriari.
Infantiletan, Donibaneko Laso eta Arandiak irabazi zuten, taldekide dituzten Bakaikoa eta Medina 12 tantorekin utzi zituzten.
Kadeteen kategorian, Zugarraldekoak nagusitu ziren: Larunbek eta Sarasak 18-15 irabazi zieten Oiarpeko Ugalde eta Imazi.
Jubeniletan Añorgako Barandiaran eta Sanchezek irabazi zuten, 22-20ko markagailuarekin Errekako Maia eta Amurrioko Legarretari nagusitu zitzaizkien.
22 urtez azpikoen mailan tanto bakarragatik, Intxurreko Urretabizkaia eta Otegik irabazi zuten; 22-21eko emaitzarekin, Errekako Juanenea eta Zugarraldeko Lukin hartu zituzten mendean.
Maila nagusian edo senior elite mailan, azkenik, Aurrera Saiaz taldean ari den Unai Onsalo aresoarra eta Txarutako Xabi Arraztoa iruritarrak eskuratu zuten txapela. 22-16 irabazi zieten Esain profesional ohiari (Buruz Gain taldean ari da) eta Erreka elkartean ari den Joseba Madariaga aranztarrari.
Gehienak ere partida berdinduak izan ziren.