Lapurdi, Baxe Nafarroa eta Xiberoko haur kantu xapelketa igandean hasiko da

Kantuzale Elkartearen eta Euskal Irratiak elkartearen ekimenez, igan­de honetan, mar­txoak 6, abiatuko da Lapurdi, Baxe Nafa­rroa eta Xiberoko Haur Kantu Xapelketa. 6 eta 15 urte arteko neska-mutikoek har dezakete parte, bakarka, binaka edo taldean, eta musika tresne­kin edo gabe. Kantu ezaguna edo sorkun­tza kanta daiteke, baina euskal abestia. Finalerdiak herrialdeka antolatu dituzte. Lapurdikoa igandean eginen da Uztaritzen; Baxe Nafarroako mar­txoaren 13an Izpuran eta Xiberokoa apirilaren 10ean Maulen. Final haundia Lapurdin eginen da, Hazparnen ekainaren 11n. Lapurdi eta Baxe Nafarroako kasuetan, izena emateko epea bukatua dago baina Xiberu­koan oraindik eman daiteke izena, apirilaren 1a aitzin Xiberoko Botzarat deituz (05 59 28 29 87). Maila bakoi­tzeko bi lehenak izanen dira sarituak, orotarat, beraz, sei sari (bakarka, binaka eta taldean). Bertze­la­koak­ ere badira: ahots hu­tsezko saria, sor­kun­tza saria, publikoarena, eta interpretazio, orginialtasun eta musi­ka antolaketa onenaren sariak.