Malerrekara ere apirilaren 11n, astelehenarekin, ailegatuko da Trebiñu eta Donostia lotuko dituen Korrikaren 17. edizioa, Maitatu, ikasi, ari... euskalakari! lelopean. Hori dela eta, Korrikak eginen duen ibilbidea behar bezala prestatzeko Korrika Batzordea sortu dute Malerrekan, eta bilera batzuk eginak ere baditu dagoeneko. Otsailaren 15ean elkartu ziren lehendabiziko aldiz Doneztebeko zineman eta aste honetan egitekoa zuten bigarrena, hau ere, Doneztebeko zineman. Hainbat eragile ari dira parte hartzen bilkura hauetan.