Joan den urte hondarretik zabalik dagoen Gaztegunerako langilea hartu nahi da eta honen soldata ordaindu ahal izateko dirulaguntza eskatu dio Udalak Nafarroako Gobernuko Enplegu Zerbitzuari. Subentzio hori jasotzeak gauzak erraztu eginen lituzke, baina lerro hauek idazterakoan oraindik erantzunaren esperoan zeuden udaletxean.
Bestalde, hasiera batean abenduan egitekoa zen Gaztegunearen inaugurazio ofiziala, baina azkenean, urtarril hondarrean gurasoek prestatutako berendu batekin ospatu zuten lokalaren irekiera.