Martxoaren 22an eskolako haurrek ateraldia eginen dute Malerrekako eskola ttiki guzietako neska-mutikoekin batera. Bi taldetan banatuko dira, Haur Hezkuntzakoak eta Lehen Hezkuntzako 1 eta 2. mailakoak alde batetik, eta 3, 4, 5 eta 6. mailakoak bertzetik. Gaztetxoenak Donostiako Zientziaren Kutxagunera joanen dira eta helduxeagoak Bilborantz abiatuko dira Guggenheim museoa ikustera. Malerrekako eskola ttiki guztietako haurrek elkarrekin egun polita pasatzeko aukera ederra izanen da.