Urtarrilaz geroztik, lehian ibili eta gero, eskuz binakako Malerrekako IX. Pilota Txapelketa finalen atarian dago. Otsailaren 26an jokatuko dira Donezteben eta hauek ariko dira:
Benjaminetan, Ilunpeko Alberdi eta Galarraga, Oberenako Ozkoz eta Cuairanen aurka.
Alebinetan, Errekako Zubizarreta eta Salaberria, Ilunpeko Alberdi eta Egigurenen kontra.
Infantiletan, Donibaneko Bakaikoa eta Medina, taldekide dituzten Laso eta Arandiaren kontra.
Kadeteetan, Zugarraldeko Larunbe eta Sarasa, Oiarpeko Ugalde eta Imazen aurka.
Jubeniletan, Errekako Maia eta Lasa, Añorgako Barandiaran eta Sanchezen aurka.
22 urtez beheitikoetan, lerro hauek idazterakoan oraindik erabaki gabeak ziren finalistak zein izanen diren.
Maila nagusian, Iñaki Esain eta Joseba Madariaga, Unai Onsalo eta Xabi Arraztoaren kontra ariko dira.