Maitatu, ikasi, ari… euskalakari!. Horixe izanen da aurtengo Korrikaren leloa. Egunak ere zehaztuak daude dagoeneko. Bortzirietara, adibidez, apirilaren 11n etorriko da Korrikaren 17. edizioa. Apirilaren 7an abiatuko da Trebiñun eta 17an Donostiara ailegatu bitarte, Euskal Herriko hainbat bazter pasatuko ditu euskararen alde. Oraindik xehetasunak zehaztu gabe daude, eta horiek finkatzea eta Bortzirietako Korrika batzordea osatzea izanen da otsailaren 22an, asteartearekin, 19:00etan Berako Beralandeta egoitzan eginen den bilera irekiaren helburua. Interesa duen guztiak parte har dezake.