Urtarrilaren 26an, asteazken eguerdiko 12:00etan kontzentrazioa deitu dute LAB, EHNE eta LABek Doneztebeko INEM bulegoaren parean, “Pentsio sistema publiko baten alde 27an greba orokorra” lelopean.
Hain zuzen, ortzeguneko greba orokorra deialdia girotzeko auto karabana ibili zen urtarrilaren 25ean eskualdean barna. Urtarrilaren 27an berean, arratsaldeko 17:30ean manifestazioa abiatuko da Berako Zalain auzotik.
Enplegu Bulegoaren kontra arraultzeak eta pinturak
Bertze alde batetik, urtarrilaren 25eko goizaldean ezezagun batzuk arraultzeak eta pintura gorria bota zuten INEMeko bulegoaren kontra Donezteben, baita zenbait pintada egin ere. Nafarroako Gobernuak, Berrikuntza, Enpresa eta Lan Departamentuaren bitartez gertaera salatu du.