Doneztebeko Erreka elkarteak urtea kirola akitzeko helburua ederki bete zuen urtarrilaren 31n. Goizean Mendaur mendi kaxkoan barna ehun mendizale baino gehiago bildu ondotik, arratsaldean San Silvestre lasterketaren bosgarren edizioak parte-hartze marka hautsi zuen berriz ere 164 korrikalarirekin ( 75 haurretan eta 88 helduetan). Nagusien kategorian, Iñigo Arregi doneztebarra nagusitu zen bigarren urtez segidan gizasemeen artean eta Patxi Irazoki igantziarrak eta Xanti San Miguel doneztebarrak osatu zuten podiuma. Emakumezkoetan Maika Ariztegi iturendarra izan zen lehena, Maria Telletxea doneztebarraren eta eta Paula Jadraqueren aitzinetik.
Sergio Iribarrenen omenez
Horretaz gain, hogei opari zozketatu ziren partehartzaileen artean eta hortxe izan ziren San Antonioko Ibai Meoki eta Niko Mindegia, Errekako harrobiko harribitxiak, sariak ematen bere irribarrerik onenarekin.
Sari banaketan, Miguel San Miguel Doneztebeko alkatea eta Nafarroako Kutxako Javier Almandoz izan ziren.
Aipatzekoa da lasterketa berriki hildako Sergio Iribarren Errekako bazkidearen eta kros zalearen en omenez egin zela. Bera gogoratzeko izan ziren txalo zaparradarik handienak.
SAILKAPENAK
GIZASEMEAK
1. Iñigo Arregi 11:14
2. Patxi Irazoki 11:25
3. Santi San Miguel 11:41
4. Iñigo Lasaga 11:59
5. Patxi Pikabea 12:01
6. Fermin Oteiza 12:15
7. Iban Zubieta 12:20
8. Beñat Mitxelena 13:04
EMAKUMEAK
1. Maika Ariztegi 13:29
2. Maria Telletxea 14:08
3. Victoria Jadraque 15:15
4. Lorea Agirre 15:37