Erreka elkarteak bederatzigarren urtez antolatutako eskuz binakako txapelketan elite eta 22 urtez azpikoen mailako lehen partidak jokatu ziren hilaren 12an Donezteben eta Beran.
Ezustekorik handiena elite mailan etorri zen. Izan ere, iaz txapeldun suertatu ziren Mololo Irigoien lesakarrak eta Unai Iparragirre leitzarrak galdu egin zuten lehen kanporaketan, 17 eta 22, Esnal eta Uzkundunen kontra. Esain eta Errekako Madariagak 22 eta 15 irabazi zieten Gure Txokoako Bilbao eta Mitxelenari. Tolosako Belloso eta Jauregik 22 eta 19 irabazi zieten Etxeberri eta Alberdiri eta Larrañagak eta Gorritik 22 eta 18 irabazi zieten Senperena eta Telletxeari.
22 urtez beheitikoetan Barberena-Loidik 22 eta 5 irabazi zieten Domaika-Juanenari; Errekako Oronoz eta Irurtzungo Pazosek 22 eta 19 irabazi zieten Loban- Iraizotzi eta Lopez-Alustizak 22 eta 10 irabazi zieten Santxo - Urruzolari. Elite eta 22 urtez azpiko mailako lehen jardunaldia urtarrilaren 19an osatzekoa zen.