Joan zitzaigun 2010a, eta dagoeneko badira bi aste baino gehiago urte berria ere hasi zela. Horren harira, gogoratu behar dugu urte zaharretik berrirako urratsa elkarrekin egin zutela Ezkurra eta Eratsungo 62 lagunek.
Barranka Ostatuan elkartu ziren, eta giro eta umore onean, afari goxoa dastatu ondotik, 00:00etan, aurrekoa bezain txarra izan ez dadin eskatuz ongi-etorria egin zioten 2011ri.
Horixe bera desio diegu Ezkurrako herritarrei, urte ona izan dezatela, baita TTIPI-TTAPA posible egiten duten guztiei ere, erredaktore eta irakurle guztiei.