Erreka elkartearen bederatzigarren eskuz binakako pilota txapelketan, elite eta sub-22 mailako lehen jardunaldia osatu zen urtarrilaren 19an, asteazken arratsaldean Donezteben eta Beran jokatutako partidekin.
Sub-22
Sub-22 mailakoak Beran aritu ziren. Errenteriako Zangitu eta Arzadunek azkenean parte hartuko ez dutenez, Munitibarko Urionabarrenetxea eta Iturriagak egin dute aitzinera; Intxurreko Alonso eta Esnaolak 22 eta 9 irabazi zieten Andoaingo Irastorza eta Otaegiri; Aldabideko Ezkurdia eta Errekako Mindegiak 22 eta 13 irabazi zieten Titin III.eko Patxi eta Artolari eta Oberenako Soto eta Ultzamako Eugik 22 eta 9 irabazi zieten Oiarpeko Manterola eta Irastorzari.
Elite
Elite mailakoak Donezteben aritu ziren. Oberenako Mikel eta Azanzak 22 eta 2 irabazi zieten Bengoetxea eta Gartziari; Flores eta Arzeluzek 22 eta 14 irabazi zieten Amantegi eta Tabar-i; Usurbilgo Mendinueta eta Altunak 22 eta 9 irabazi zieten Errekako Imanol Mitxelena eta Jaiori eta Txarutako Urdaniz eta Arraztoak 22 eta 19 irabazi zieten Galdakaoko Uriarte eta Ajuriari.