Heldu den urtarrilaren 31n, Cederna-Garalur elkartean antolatutako 'Marketina eta Blogak sortzea' izeneko ikastaroa hasiko da. Lekunberrin izanen da, eta 12 orduko iraupena izanen du, hiru egunetan banaturik, eta saio bakoitza 4 ordukoa. Hastear den ikastaroa Nafarroako Mendialdea LGP: 'Nafarroako Mendialdeko turismo-arloko enpresak finkatzea eta posizionatzea' izeneko proiektuaren zati da, eta helburua du Nafarroako Mendialdean turismo-sektoreari IKTak erabiltzen laguntzea enpresen komertzializaziorako eta marketinerako. Proiektua abian jarrita, turismo-arloko enpresek beren lehia-gaitasuna hobetzea espero da, horretarako blogak eta sare sozialak, besteak beste, erabilita.
Komunikazio tresnak (blogak, sare sozialak, Interneteko guneak, besteak beste) funtsezko komunikazio-tresnak dira enpresak merkatuan posizionatzeko, eta, halaber, beren produktuak eta zerbitzuak nazioartean merkaturatzeko erakusleihoa dira. Garrantzi handia hartzen ari da turismo-sektorean, eta horretara bideratu dute prestakuntza hau. Ttipi-ttapak hartzen duen eskualdeari dagokionez, otsailaren 21, 23 eta 25ean Lesakan eta otsailaren 28an, eta martxoaren 2an eta 4an Zugarramurdin eskainiko da.
| Herria | Egunak |
| Lekunberri | Urtarrilaren 31, otsailaren 2a eta 4a |
| Larraintzar | Otsailaren 7a, 9a eta 11 |
| Arbizu | Otsailaren 14a, 16a eta 18a |
| Lesaka | Otsailaren 21a, 23a eta 25a |
| Zugarramurdi | Otsailaren 28a eta martxoaren 2a eta 4a |
| Agoitz | Martxoaren 7a, 9a eta 11 |
| Irunberri | Martxoaren 14a, 16a eta 18a |
| Erro | Martxoaren 21a, 23a eta 25a |
| Aribe | Martxoaren 28a eta 30a eta apirilaren 1a |
Cederna Garalur Elkartearen webgunean jaso daiteke argibide gehiago, helbide honetan: www.cederna.es. Hasi berri dugun urte honetan, Elkarteak hainbat prestakuntza-ildo jarriko ditu abian, turismo-sektorera bideratuta: marketinera eta sare sozialetara zuzenduta, bezeroekin komunikatzeko ezinbesteko tresnak direla ulertuta. Nafarroako Mendialdeko turismo-enpresak animatzen dituzte prestakuntza horretan parte hartzera. Interesaturik egonez gero, paratu harremanetan Cederna Garalur Elkartearekin Julia Calvilloren bitartez, 948 20 66 97 telefono-zenbakira deituta, edo info@cederna.es helbidera mezua igorrita.