Abenduaren 11an, Sara Korrikak biltzar nagusia burutu zuen. Pepe Irramunok lehendakari lanetan segituko du, baina bulegoan aldaketa ttipi batzuk izanen dira. 2010 urteko bilana ezin hobea izan da bai antolaketa bai kirol mailan. 30 korrikalarik osatzen dute taldea. Haietarik maila oneko 3 korrikalari berriri ongi etorria egin zaie: Latapy, Urruty eta Fattah. Antolaturiko lasterketak arrakastatsuak izan dira (Sarako trail, Kontrabandisten lasterketa, Bestetako lasterketa). Horrezgain, taldekideek beste 40 bat lasterketetan presentzia ukan zuten.Goraipatzekoak: Vacquiéren garaipena Amotzen, Aldudeko lasterketan eginiko balentria lehen hiru postuetan hiru saratar kokatuz (Latapy, Vacquié,Vignole) eta nola ez aipa adinekoen mailan Pepe Irramunok lortu dituen garaipenak.
Betiko lasterketak antolatzeaz gain helburu nagusi bat dute aurten: Mont-Blanc-ko lasterketa gogorrean parte hartzea. Bilkura afari baten inguruan bukatu zen.