Amalia Arretxea Carrion doneztebarrak ehun urte bete zituen urtarrilaren 10ean Elizondoko Francisco Joaquin Iriarte erresidentzian. Bere mendeurrena ospatzeko erresidentziako langileen, senideen eta Baztango udal ordezkarien babesa izan zuen Amaliak. Izan ere, Santi Aldako Baztango alkateordeak eta Lander Santamaria zinegotziak lore-xorta oparitu zioten.
Amalia Arretxea, 97 urte dituen Clarita ahizparekin bizi da erresidentzian. Ezkongabea izanik seme-alabarik ez badu ere, Amaliaren ahizpen bidez izan dituen senitartekoen bixita ere jaso zuen, tartean Arantxa Catalan, Merche eta Arantxa Illunbe Arretxea eta Amaiur Tejero Catalan iloba eta ahizpen bilobena edo Legasako Aurora Arretxea lagunarena.
Denek Zorionak Zuri kantatu zioten ehun urterekin ere bere burua gobernatzeko gai den Amalia Arretxeari.