50 bizilagun irabazi zituen eskualdeak 2009. urtean

Ttipi-ttapa aldizkariak Nafarroan hartzen duen eskualdeak 26.932 bizilagun zituen 2010eko urtarrilaren 1ean, urtebete lehenago baino 50 gehiago. Halaxe ageri da udal erroldaren datuen arabera.

Eskualdeka

Eskualdeka, Baztan eta Urdazubi-Zugarramurdi aldean 59 bizilagunetan beheiti egin du bizilagun kopuruak, udalerri guzietan beheiti egin baitu. Bortzirietan, aldiz, herri guzietan goiti egin du eta 66 bizilagun gehiago dira. Malerreka eta Bertizarana aldean gorabehera handiagoak dira. Donezteben eta Sunbillan 52 bizilagun gehiago daude (Doneztebe da portzenataian gehien irabazi duena, kasik %2,5) eta Bertizaranan 2 gehiago. Herri ttikiagoetan denetarik izan da eta batzuk goiti eta bertzeek beheiti egin dute. Leitzaldean berdin mantentzen da populazioa, baina Leitzak bakarrik egin du goiti, Areso berdin mantentzen da eta Goizuetan eta Aranon beheiti egin du bizilagun kopuruak. Arano da, gainera, portzentai handiena galdu duena, urtebetean bizilagunen kasik %9.

Ondoko koadroan ageri dira 2009 eta 2010eko datuak herriz herri, baita herri bakoitzean izandako gorabeheraren portzentaia ere.